Open top menu
Tips Simplis Konserva Komputador hodi Dura Ba Tempu Naruk

Konserva Komputador hodi Dura Ba Tempu Naruk
Konserteja oras nee dau-daun maioria Ema Barak iha Ekipamentu Eletronika, ida neebe sensitive liu maka Komputador ho Laptop, hanesan sasan prioridade ba ema hotu tenke iha. Komputador hanesan sasan neebe importante tebes hodi halao serbisu bar-barak, hanesan Serbisu Administrasaun, Tekniku, Bankeiru, Teller, Cashier, Kontabilidade, Tezoureira, Media Telekomunikasaun, Media Informasaun, Kontrolador Astronomia, Monitoriza Fura Mina-Rai iha Tasi Timor no Seluk-seluk tan.

Laos hodi halo serbisu deit, Komputador mos bai-bain ema barak uza hodi halimar Game, Rona Muzika no Hare Filme, aliende Filme Dansa, Funu, Romantika, Familia nomos barak liu maka Filme Porno. tamba nee maka Matlele posting Tips Simplis Konserva Komputador hodi Dura Ba Tempu Naruk hodi ajuda imi.
Maibe imi senti ka lae? Se-wainhira Komputador ha-lakan durante tempu naruk nia laran, ho loron ba loron ninia velosidade sempre tuun/prosesu kleur. Ba imi neebe iha interese hakarak atu kuidadu imi nia Komputador, Matlele rekomenda lolos iha oras 24 imi bele uza durante oras 12 deit, kuandu uza liu husi ida nee, se-bele amenta ho vintunha ka Cooler.
Se-lae! Instrumentu Komputador nian hanesan IC Matherboard no seluk-seluk tan,neebe karik aat kustu ba selu manutensaun nian besik hanesan hola foun. Tuir esperiensia Matlele nian durante nee iha Timor, maske komputador foun tama barak ona maibe instrumentu foun nian seidauk tama kompletu. Tamba nee maka Matlele hakarak share Tips Simplis ida atu KuidaduKomputador hodi Dura Ba Tempu Naruk, hanesan:
Limpeza Bei-Beik Komputador
Hamoos parte hotu-hotu hanesan Casing, Ekra, Keyboard, Mause, Matherboard, Pawer Supply no sel-seluk tan. Husi parte liur hanesan Monitor no sel-seluk, imi bele uza Líkidu/Ai-Ben spesial ne’ebe hetan fiar, husi parte laran bele uza pinsel, atu diak liu la-bele uza Komputador wainhira han no fuma sigaru.
Hasai Ekipementu Neebe la-uza ona
Wainhira kopia remata file ruma husi CD tenke hasai kedas CD husi Drive, Aleinde nee mos hanesan ho USB no Hardisk. Dala-ruma tamba ita baruk atrapaila entaun husik deit, mais Komputer liu husi drive sempre rebista hela-deit, amenta ho programa neebe ita loke dau-daun, bele halo temperatura Windows nia sae makaas tamba prosesor serbisu hakaas liu, ikus mai instrumentu PC/Laptop maka lori todan.
Hasees PC/Laptop husi Amimal Kiik Sira
Animal kiik sira hanesan Nehek, Teki, Barata no sel-seluk tan wainhira tama ba iha CPU, sei instraga no hali sirkuitu kiik oan maibe bei-beik, ikus afeita ba Makina ka instrumentu PC nian sai terus. Aat liu tan kuandu teki maka tama ba iha Pawer Supply, nee sei halo rebenta. Nehek mos laa-bele halo tama husi keyboard.
Kuidadu Temperatura PC nian
Ba imi neebe uza PC liu husi oras 12 kada loron, rekomenda atu tenke uza Cooler hodi reduz PC nia temperatura manas liu-liu Processor. Se presija bele monta Software hodi ajuda reduz manas nian. Ba iha Ekra/Monitor imi bele Setting Battery Option muda ba Pawer Saver. Nee maka tips simplis hodi kuidadu PC/Laptop nia durasaun, badis hodi kuidadu ba imi nia PC atu la-bele aat lalais. Imi bele koko rasik karik imi la konsege ita bele halo interaktivu liu husi email; mphornai@gmail.com.
Serbisu ba hanesan la-presiza osan, Hadomi ba hanesan nunka laran kanek, Dansa ba hanesan la-iha ema ruma hare (Mark Twain)
Read more
Funsaun Butaun iha Keyboard Komputador

Funsaun Butaun iha Keyboard Komputador
Espesialmente atu loke aplikasaun ka programa ruma iha windows, sempre liu husi instrusaun neebe iha kedas ona aplikasaun nee rasik. Katak kada aplikasaun, iha ninia ordem no mensajen ba operasaun nian ketak-ketak.
Jeralmente, iha mos instrusaun espesial ba Funsaun Butaun iha Keyboard Komputador nian, hodi fasilita utilizador ou programador hodi opera ka loke aplikasaun sira refere ho lais no mamar.
Ita neebe laos programador mos bele utiliza funsaun hirak nee ba halao knaar, espera katak funsaun nee mos ajuda halais ita nia knaar ho mamar. Turi mak intrusaun oinsa atu utiliza funsaun hirak nee. 
Fungsoins F
F1    : Loke funsaun ajuda iha Ms.Word
F2    : Rename objetu neebe hili
F3    : Loke ordem AutoText
F4    : Repete ordem dahuluk nian
F5    : Loke ordem Find and Replace no Refresh
F6    : Loke ordem Other Pane
F7    : Revista eru iha testu no hakerek sala
F8    : Eskolla testu ka objetu
F9    : Hamoos Field (Mail Merge)
F10  : Ativa Menu
F11  : Hatama field próxima (Mail Merge)
F12  : Ativa dialog Save As
Funsaun Control
Ctrl + A     : Select All
Ctrl + B     : Bold
Ctrl + C      : Copy
Ctrl + D     : Font
Ctrl + E     : Center Alignment
Ctrl + F     : Find
Ctrl + G     : Go To
Ctrl + H     : Replace
Ctrl + I      : Italic
Ctrl + J      : Justify Alignment
Ctrl + K     : Insert Hyperlink
Ctrl + L     : Left Alignment
Ctrl + M    : Hanging Indent
Ctrl + N     : New
Ctrl + O     : Open
Ctrl + P     : Print
Ctrl + Q     : Normal Style
Ctrl + R     : Right Alignment
Ctrl + S     : Save / Save As
Ctrl + T     : Left Indent
Ctrl + U     : Underline
Ctrl + V     : Paste
Ctrl + W    : Close
Ctrl + X     : Cut
Ctrl + Y     : Redo
Ctrl + Z     : Undo
Ctrl + 1     : Single Spacing
Ctrl + 2     : Double Spacing
Ctrl + 5     : 1,5 lines
Funsaun Seluk
Alt                     : Hanehan hodi utiliza menu-bar
Esc                    : Kansela ordem ka dialog
Enter                 : Eskolla no termina parágrafu ida
Tab                     : Muda testu iha ruler horizontal nian
Windows            : Ativa Start Menu
Shortcut             : Ativa shortcut iha pozisaun kursor
Delete                : Apaga karakter 1 ba parte liman-loos
Backspace         : Apaga karakter 1 ba parte liman-karuk no back
Insert                  : Hatama karakter iha pozisaun kursor
Home                  : Muda pozisaun kursor ba liña primeiru
End                      : Muda pozisaun kursor ba liña ikus
Page Up               : Muda ka lulun ekra ba leten
Page Down          : Muda ka lulun ekra ba kraik
Up                        : Muda kursor liña ida ba leten
Down                   : Muda kursor liña ida ba leten
Left                      : Muda kursor karakter ida ba karuk
Right                    : Muda kursor karakter ida ba loos
Num Lock On      : Ativu butaun numeru matematika
Num Lock Off      : Ativu funsaun butaun navigation
SHIFT                   : Prevene autoplay CD-ROM
Funsaun Ctrl, Shift & Alt
Ctrl + Esc                  : Start Menu
Ctrl + F4                    : Taka aplikasaun neebe loke
Ctrl + Right Arrow     : Muda kursor ba palavra primeiru próxima nian
Ctrl + Left Arrow       : Muda kursor ba palavra primeiru anterior nian
Ctrl + Down Arrow    : Muda kursor ba paragrafu primeiru próxima nian
Ctrl + Up Arrow         : Muda kursor ba paragrafu primeiru anterior nian
CTRL + drag              : Duplika item neebe hili
CTRL + SHIFT + drag      : Duplika item neebe hili no tau marka
CTRL + SHIFT + Arrow    : Kobre (bloc) testu
Shift + Tab                : Book-an ba kotuk liu-husi selesaun
Shift + Delete           : Apaga item ho permanenti ou sein Recycle Bin
SHIFT + Arrow           : Kobre (bloc) karakter
Shift + F10               : Mause liman-loos
Alt + F4                     : Taka aplikasaun
Alt + Enter                : Hamosu property husi objetu neebe hili
Alt + Spacebar         : Loke menu shortcut ba windows ativa
Alt + Tab                   : Switch entre item neebe loke
Alt + Esc                   : Cycle liu-husi item neebe loke
Funsaun Logo Windows
Logo Windows + D    : Ha-mosu desktop
Logo Windows + E    : Loke My Computer
Logo Windows + F    : Buka file ou folder
Logo Windows + L    : Log-off Windows
Logo Windows + M   : Minimiza aplikasaun hotu-hotu
Logo Windows + SHIFT + M   : Maksimiza aplikasaun hotu-hotu
Logo Windows + BREAK         : Loke System Properties
Logo Windows + Ctrl + F         : Buka computer
Logo Windows + F1 : Hamosu Windows Help
Logo Windows + R   : Hamosu dialog Run
Logo Windows + U   : Loke Utility Manager
Susesu laos xavi ba Ksolok nian mas Ksolok mak xavi ba susesu
Read more
Tipu Humanu 6 Komforme Sprangler

  • 9:56 PM
  • 1

Tipu Humanu 6 Komforme Sprangler

Sprangler foo kategoria ema-moris nian ba parte 6. Tipu Humanu 6 Komforme Sprangler nee inklui ona ho tipu sira special ou ideal. Liu husi tipu hirak nee ita bele siik individual neebe ita hasoru ba kategoria ida neebe.

** Ema Teoria

Hanesan ema matenek nain lolos, ema siensia, objetivu husi nia hahalok hakarak hetan lia-loos no realidade neebe diferenti. Ema hirak nee antes atu halo buat ruma uza sira nia hanoin ho masimu. Karateristika balun husi ema hirak nee mantein pozisaun relativu ho objetu ba buat hot-hotu, estuda siensia ho hakaas aan, lojiku no sempre buka buat loos, iha komprensaun neebe klaru, odiu buat neebe abtratu, la-dun foo importansia ba estetika, la-dun respeitu ba materia hanesan realidade.atensaun sira nia ba vida sosiais menus liu, la-dun iha motivasaun hodi hetan pawer. Ema ho tipu ida nee laiha invejosa sosiais (kecemburuan sosial) tamba sira la-fo importansia ba materia iha vida moris. Wainhira ema ho tipu ida nee maka sai peritu iha siensia sosiais, maka vizaun ninian sei objetu no la-haliis maske ba nia grupu rasik.

** Ema Ekonomia

Tipu husi ema hirak nee nia atensaun halai liu ba utilidade husi sasan ruma, maka ema hirak nee sempre riku ho konseitu pratika, valorize buat ruma husi parte utilidade nomos valor ekonomica nian. Prinsipiu utilidade barak liu hahuun ba asaun husi ema hirak nee. Utilidade husi buat ruma hanesan objetivu hahalok no espetativas (harapan) iha utilidade ekonomikamente ba sira nia aan. Iha tipu neebe ekstrema sira bele mos poupa teb-tebes ou kontrariu bele mos gastus. Ema ho tipu ekonomia hahuun liu ba benefisiu no materialista neebe sira hetan.

** Ema Arte

Ema ho tipu hirak nee inspirais teb-tebes vida moris ida nee atu senti hanesan laos autor maibe espetador. Ema hirak nee halai liu ba individualismu, sira la-dun bele hasoru ejijensi pratika iha sira nia moris no fo importansia liu ba buat furak mundu nian.

** Ema Sosiais
Ema sosiais nia sentimentu humanu aas liu hodi moris hamutuk ho ema seluk no oferese aan tomak ba interese hamutuk. Domin sira nian aliende individual mos sosiais, nee maka no aas liu no hahuun ba sira nia vizaun.

** Ema Politika
Enkorajamentu iha ema hirak nee maka duni puder no komandu ba ema seluk. Tuir sira nia hare katak ema seluk hanesan objetu husi poder nian, forma husi hahalok ema ho tipu politika nee hanesan hakarak livre husi ema seluk nia ukun, livre husi koersaun (paksaan) no obrigasaun otocratika. Sempre akontese manipulasaun situasaun tan deit objetivu politika ida neebe sub-subar. Tamba nee maka difisil atu tau difinisaun hodi hafahe hahalok ida neebe maka hahuun ba sosiais no ida neebe maka hahuun ba politika.

** Ema Relijioja
Valor neebe aas liu ba ema ho tipu ida nee, maka buka valor neebe aas liu duke ejistensia moris iha mundu. Sira nia hare katak sira nia aan nudar parte kiik ida husi totalida ida neebe boot. Buka harmonia iha vida moris spiritual entre esperiennsia fuan ho valor moris no buka primeiru maka baze hahalok.
Valor 6 neebe ita koalia iha leten maka profil ema-moris husi individual no valor refere sei foo karateristika balun iha personalidade individual neebe diferente ho individual seluk.
Referensia:
Spranger. E. 1928. The tipe on man the psychology and etnich of personality. Max niemeyer verlg, hall (saale).
Labele tauk atu kontra, tamba ita boot nia luta mak sei hatuun inimigu nia barani. Hasees sentimentu tauk, alkansa ita boot nia Liberdade no Direitu
Read more
Karakterstika Ema Matenek (Perspicacity)

Karakterstika Ema Matenek (Perspicacity)
Matenek Lingustika
Matenek iha arma no hatuur liafuan ho efetivamente iha maneira koalia nomos hakerek. (Jornalista, Poeta, Advogado). Karateristika:
* Bele Argumenta, Konvense ema seluk, Anima ka Hanorin ho efetivamente husi liafuan,
* Badinas lee no bele interpreta liafuan hakerek ho klaru.

Matenek Matematiku-Logika
Matenek iha termus numeral no loojika (Scientist, Accountant, Programmer). Karateristika:
* Fasil halo klasifikasaun no kategoriza,
* Hanoin ho diak kauza no efeitu, wanhira kria hypothesis,
* Vizaun ba moris ho karater rational.

Matenek Visual-Spatial
Matenek nebee inklui hanoin iha dezenhu, nunee mos iha kbiit hodi observa no kumpriende, mudifika no kria hikas aspetu visual oi-oin. (Arquiteto, Fotgorafo, Desenhista, Piloto, Engenheiros). Karateristika:
* Sensibilidade kroat hodi detalle visual, balansu, shape no space,
* Fasil halo aproximasaun ba distansia no espasu,
* Halo sketsa ka esbosu ideia ho klaru.

Matenek Kinesthetic-Body
Matenek iha utiliza isin lolon ka movimentu isin lolon hodi expressiva ideia no sentimentu. (Athlete, Artisan, Taylor, Modeler, Mechanic). Karateristika:
* Enjoy atividade fiziku (Sport),
* Desafiando no nunka tuur nonok,
* Interese ba buat hotu-hotu.

Matenek Musical
Matenek iha dezenvolve (evolving), expressive no enjoy tipu (shape) muzika no voz. (Conductor, Kriador Muzika, Kantor no SSt). Karateristika:
* Sensitive ba tone no kanta hananu tuir lolos ninia intonation,
* Bele tuir ritmu,
* Rona Muzika ho pasu sharpness nebee aas teb-tebes.

Matenek Interpersonal
Matenek hodi kumpriende no sensitive ba sentimentu, intensaun, motivasaun, karater no temperamentu ema seluk. (Networker, Negotiator, Mestri). Karateristika:
* Hasoru ema seluk ho atensaun tomak, nakloke aan,
* Kopera (Interlaced) kontaktu matan ho diak,
* Hatudu empathy ba ema seluk,
* Encourage ema seluk hodi hato nia passage.

Matenek Intrapersonal
Matenek knowledge iha aan rasik no iha abilidade hodi foti medidas nebee adaptive tuir recognition aan rasik. (Counselor, Theology). Karateristika:
* Halo diferensa (differentiate) ba emosaun oi-oin,
* Fasil asesu ba sentimentu rasik,
* Utiliza nia kumprensaun hodi hariku no guidance nia moris,
* Introspection no gosta meditation,
* Gosta atu serbisu mesak.

Matenek Naturalist
Matenek hodi kumpriende no desfruta (enjoy) natureza no utiliza natureza ho produtivamente no dezenvolve (evolving) koesementu konaba natureza. (Agrikultor, Fisherman, Mountaineer, Hunter). Karateristika:
* Hadomi ambienti,
* Iha abilidade konhese hahalok no karakter animal nian,
* Kontenti ho aktividade iha ai-laran.

Matenek Eksistensial
Matenek hodi responde problemas hirak nebee interior existence ou ezistensia ema moris. (Philosopher, Theology).
* Sempre husu lalaok husi ezistensia buat hotu-hotu iha Mundu,
* Sempre husu ezistensia ninia aan rasik iha natureza ida nee.

Forsa maior neebe bele halakon stress maka kapasidade hodi hili hanoin nebee loos, sentimentu sei hakmatek wainhira
iha ita nia hanoin mak solusaun ba problema
Read more
Manipulasaun hodi asesu internet 3G ho Lais

Internet Access Configuration
Iha posting dahuluk koalia tiha ona kanaba Maneira atu hálais konesaun internet ho Modem maibe refere liu ba Sistema Operasaun Windows XP ninian, tamba nee instrusaun tuir mai koalia liu konaba Oinsa atu halais konesan internet ho Modem ho Sistema Operasaun Windows 7. Mak henesan:
1. Klik Ícone Internet Access iha System Try hanesan amostra iha  Imajen №.1 iha leten.
2.   Maka sei mosu aplikasaun ba lista Konesaun internet neebe agora utiliza hela, Ijemplu TT, Telemor ka Telekomcel. Klik mouse liman-loos, Hili Properties no Klik Configure, hanesan amostra iha Imajen №.2 iha leten.
3.   Hanesan amostra iha Imajen №.3, hili Maximum Speed hili speed neebe ho numeru aas liu, depois Check hotu Janela Hardware Features. Depois klik Ok.
4.  NB: La-bele utiliza liu husi Aplikasuan ka Software husi Modem refere. Maibe utiliza deit liu husi Panel Internet Access nian. Obrigadu Wain, espera katak bele ajuda.
Diferensa entre Doben ho Microlet saida?
Doben Dook iha matan besik iha Fuan
Microlet Dook ka Besik Sentavu Rua-nulu
Read more
Tamba Saa Mosu Nasaun Kiak no Nasaun Riku

  • 2:29 AM
  • 1
Nasaun Kiak no Nasaun Riku
Matlele hakarak posting konaba Tamba Saa Mosu Nasaun Kiak no Nasaun Riku hanesan reflesaun ida ba ita hotu, no hanesan konesementu deit.

Diferensa entre nasaun progresu (Kiak) no nasaun Dezenvolvidu (Riku) la-depende ba nasaun nia tinan
Ezemplu hanesan nasaun Egípto no Índia, neebe nia tinan liu ona husi 2000 maibe sira nia Dezenvolvimentu sei menus.Iha parte seluk, Singapura, Canada, Australia no Nova-Zelandia, nasaun neebe nia tinan menus husi 150 ba Dezenvolvimentu, agora dau-daun sira hanesan parte husi nasaun Dezenvolvidu iha Mundu no sira nia Populasaun la kiak no mukit.

Riku-Soin Nasaun Nian Sei la-garante nasaun ba Riku ka Kiak
Nasaun Japão iha nia area neebe limitadu. Sira nia rai maran 80% foho no laiha rai natoon atu halo to’os, natar no hakiak animal.Maibe oras nee Japão sai Jigante ekonomia numeru daruak iha Mundu. Japaun iha Industria bo-boot neebe namlele iha bee leten, sira importa Material Protótipa (Bahan Baku) husi nasaun hot-hotu iha mundu no esporta sasan akabadu (Barang Jadi).

Nasaun Suiça la-iha rai maran atu kuda coklat maibe sai hanesan nasaun neebe produs coklat diak liu iha Mundu. Suiça rai kiik oan, nia iha deit rai maran hamutuk 11% maka bele kuda ai-horis.Suiça mos halo produsaun susu-been ho kualidade diak nian. Nestle hanesan emprezahahan nian ida neebe boot iha Mundu. Suiça mos la-iha reputasaun natoon iha parte seguransa, integridade no disiplina maibe agora dau-daun Mundu tomak gosta teb-tebes Banku hot-hotu iha Suiça.
Ema Ezekutivu husi nasaun dezenvolvidu sira wainhira halo komunikasaun ho sira nia maluk husi nasaun sira neebe la-dezenvolvidu sei hanoin hanesan mos katak la-iha diferensa signifikativu iha kestaun Matenek. Rasa ka koor kulit mos laos fator importante. Imigrante sira neebe baruk-teen iha sira nia rai rasik afinal sai fonte rekursu neebe produtivu iha nasaun dezenvolvidu sira ka riku fali iha Eropa.

See Nunee Saida Maka Halo Diferensa?
Ninia diferensa maka iha Atetudi (Hahalok) Komunidade nian, neebe sira forma ka harii husi tinan ba tinan liu husi kultura no edukasaun. Tuir analiza ba hahalok moris komunidade iha nasaun dezenvolvidu, afinal katak maioria populasaun lor-loron tuir ou hakruuk ba prinsipiu baziku moris nian hanesan:Etika, La-bosok no integridade, responsabilidade, respeitu ba regras no regulamentu komunitariu, Respeitu ba Direitu ema seluk nian, Hadomi ba serbisu, Hakaas aan atu rai osan no investe, Hakarak serbisu makaas no Disiplina tempu.

Iha nasaun neebe la-dezenvolvidu, menus teb-tebes komunidade atu halo tuir ka kumpri prinsipiu baziku moris nianrefere iha leten.Ita laos kiak (la-dezenvolvidu) tamba menus rikeza naturais ou natureza maka fila kotuk ba ita. Ita kiak tamba ita nia atetude maka menus. Ita menus atu halo tuir no haklaken prinsipiu baziku moris nian neebe sei kria psivildade ba ita nia komunidade sai serve hodi dezenvolve Komunidade, Ekonomia no Nasaun.
See ita-boot lee no share mensajen ida nee, se la-akontese buat ida ba ita-boot nia aan, animal istimadu ita-boot nian sei la-mate, sei la-lakon serbisu-matan (Dez-empregu), sorti sei la-lakon durante tinan 7 nia laran no sei la-moras. Maibe se-wainhira ita-boot LA-lee no LA-share mensajen ida nee, sei LA-Akontese mudansa saida deit iha ita nia Nasaun ida nee. Ita nia nasaun sei kontinua nafatin iha kiak no mukit nia laran no sei sai kiak liu tan. See ita-boot hadomi ita nia nasaun, kontinua ha-fahe mensajen ida nee ba ita-boot nia Kolega sira, atu sira halo reflesaun. Ita tenke komesa husi parte neebe diet. Ita hakarak MUDANSA no ASAUN no mudansa hahuu husi ita ida-idak nia aan rasik. Reflesaun no Asaun - to reflect and to act.
Moris iha Mundu buat hotu-hotu sempre imposibel, la iha buat ida maka fasil no hare possible. Maibe, ita tenke hanoin nafatin katak kriasaun ema moris iha Mundu atu kore possibilidade hirak nebee imposible
Read more
Subscribe to: Posts (Atom)