Komik

Ai-sasiik no Ai-Knanoik badak Komik ba ema Adultu Proibidu ba Minoridade

Asu Komik

AI-SASIIK

Tamba sa iha motorizada ho marka YAMAHA?

Tamba Japaun mak produz se Arabia mak produz karik marka YAMAHUD

Maneira oin sa Motorizada bele tula ema nain 70

Nain 1 lori motor sira iha kotuk 69

Odamatan saída maka ema atus ba atus DUDU la nakloke

Odamatan neebe maka iha letra hakerek DADA

Buat neebe mak buka araska, kuandun hetan, soe kedas

Tilun teen

Diferensa entre Doben ho Microlet saida

Doben Dook iha matan besik iha Fuan, Microlet Dook ka Besik $0.20.

Entre Oan Mane ho Oan Feto, ida neebe maka Istraga barak liu Susu-been

Oan-mane, tanba Oan-feto moris mai susu inan-susun hahuu husi loron 1 too Fulan 6 para ona. Mas Oan-mane depois tiha para Inan-susun iha fulan 6, kontinua fali iha tinan 21 ho Feen nian too mate

AI-KNANOIK

Meria ho David

Meria ema Timor hola David ema America. Sira kaben la kleur David mos mate, no nia laen nia família husi America mos mai atu hakoi mate isin. Wainhira David nia família sira too iha mate uma, sira mos hahuu tanis:

David nia Aman: Hikzzzs, Hikzzzs, Hikzzzs Why you die so fast Hikzzzs

David nia Inan: Hikzzzs, Hikzzzs, Hikzzzs Please don’t leave me Hikzzzs

David nia Feton: Hikzzzs, Hikzzzs, Hikzzzs We will miss you Hikzzzs.

Meria la kumpriende lian ingles, maibe nia lakohi lakon atu hatudu ba nia família sira katak nia mos hatene malae nia lian, entaun nia komesa hahuu tanis o lian ingles.

Meria: Hikzzzs, Hikzzzs, Hikzzzs Happy Birthday Hikzzzs.

David nia familia sira sinal pergunta, (???@@@###&&&***).

Aponso Lokat Porti

Aponso konta nia pasajen durante nia viajen: Iha loron ida, au ba pisita pamila iha poho, au poin ba pamila sira tau kape ho pehuk, au dehan kape au la emu ida au emu panta deit, au poin ann mane poun telponi tama, au ho pixon tesik pa krusametu supiter emex ida korta, au ba pai los ba pitara ida, ehhhg au monu thun ba au ni ulun patuk paku los ba patuk ehhhg, au kaer ba kapuar pot tia, ehhhg au ader mai pihir ba pitara laran nee man pati sira, man pina sira, maun ponso aman sira, au pila tiha au dehan; ita pamila pamila mak pai malu pali.

Atoi, Apa & Ama

Iha loron ida, Atoi fila husi eskola no hare nia Apa tur hakuak hela feto ida, Atoi atu kesar ba nia ama mas koalia la diak, nia atu hatoo oinsa. Entaun la konsege kesar. Iha loron seluk fali nia hare Tiu ida hakuak hela nia Ama. Entaun iha kalan sira haan hamutuk, nia kesar ba nia Apa dehan: "Apa2X ohin hau hare Ama ho Tiu iha ita nia uma sorin nee tuur hakuak malu hela, hanesan uluk hau hare Apa tuur hakuak malu ho Tiu nee nia Ferik oan. Apa & Ama:!~!~!~!~!~*

Amo & Taxista

Amu ida foin fila husi Roma no nia la hatene dalan atu ba Balide nian. Nia para táxi ida no sae:

Taxista: Bensa Amo, Amo atu ba neebe?

Amu: Bensa Ano, hau atu ba Balide, maibe dalan hau la hatene

Taxista: Ohhh, balide gaaa, diak Amu.

Wainhira sira too tiha Balide, Amu mos tuun, maibe Amu la selu tambá osan la iha.

Taxista: Diskulpa Amu, Ita seidauk selu nee

Amu: Diskulpa hau osan la iha, hau reza atu Ano bele hetan reinu lalehan nian

Taxista: (Hakfodak no koalia iha nia laran) Ahhh kuitadu, dalan atu ba Balide deit Amu la hetan tiha ona. Satan dalan atu ba lalehan.

Sonya ho Tiu

Iha loron ida Sonya hakat ba Colmera atu sosa telefone, iha neeba nia haree tiu ida faan hela telefone no tuur sala hela.

Sonya: Botarde tiu, gudang nakloke hela nee

Tiu: O haree Kawasaki metan ida para hela iha laran too?

Sonya: Lae ida, hau haree Vespa tuan ida mak para hela iha laran, nia roda mos kempes tan

Tiu: Hei saa, body mak vespa nee, mesin saa Kawasaki  mak nee.

Tia Maria ho Ameo

Tia Maria aprezenta hela Baby Sitter foun ba nia oan mane Ameo ho tinan 4.

Tia Maria: “Meeeu, nee mak o nia baby sitter foooun”

Ameo: “Aaah, troka fali ona ka mamaaa”

Tia Maria: “Sim, tambá ida uluk nee la dun badinas, rei malu tiha kaaa!!!”

Ameo: “Hau lakohi ida mamaaa, ohin dader saan hau hare Apa reeei nia basa kedas”.

Tia Maria: “Saaaiiidaaaaaaa***???!!!???”

Joven nain Haat

Iha Joven nain haat, troka malu toba hamutuk ho Feto istrada ida. Hotu tiha sira ba tuur iha tasi ibun hodi konta fali buat neebe ohin sira halo.

Joven A: “Eiiiii, thiiik, la duun gostu ida”

Joven B: “Eiiiii, hau la duun senti ida”

Joven C: “Eiiiii, hau nia doben nian gostu  liu”

Joven D: “Sim, o nia doben gostu liu”

Joven C: “Haaahhhggg nusaaa?”

Joven D: “Aaaahg, Sim, hau nia doben gostu liu”

Joven C: “????????????????????????????”

Laen Tatto

Iha tempu serimonia kazamentu remata, Noivu ho Noiva tama ba kuartu no hahuu atu halo relasaun. Wainhira Noiva kolu Noivu nia faru nia haree tatto ida iha hirus matan hakerek: REEBOK no iha kelen hakerek NIKE, Noivu esplika katak; “nee iha tempu hau nia kontratu ho produtor para labele haluha”. Hafoin kolu remata ropa is-lolon, Noiva hare mos tatto ida iha Albanka hakerek AIDS. Noiva hakfodak no hirus, maibe ho lais Noivu hatan “Ahhh, labele hirus uluk lai, agora mor halo naruk took”. Kuandu nia Niava halo naruk tiha, nia hare hakerek ADIDAS. Noiva ”Ooohhh”.

Manu Huu Bulaun

Labarik mane ida foin tinan haat. Iha loron ida nia hetan Condom ida iha hariis fatin. Nia foti no lori ba husu iha nia inan.

Labarik: “Maaama, nee saa ida?” (ho oin midar nia inan hatete)

Inan: Oooh, nee bulaun saaa!

Liu tiha semana ida, nia hetan bei-beik condom hamutuk lima. Iha meudia ida nia senti kontenti tebes, tamba nia huu bulaun hirak nee too kabuar boot no modelu no hakarak hatudu ba nia Inan-Aman. Nia halai makaas hodi saruntu odamatan kuartu Inan-Aman sira nian. Wainhira tama tiha nia haree sira toba dukur hotu, nia haksoit sae kama leten loke hena taka Aman nian deripenti nia hakilar ho makaas.

Labarik: “Mamaaaaa, Apa nia Bibi huu hela bulaun”

Inan: “Nusaaaaaaaa??????????”.

Mane no Feto

Survey hatudu katak ema mane kaben nain maioria kabun teek wainhira kaben tiha duké Feto. Tamba mane kal-kalan nia hetan Susu 2, Kelen 2 no Hamburger 1, feto hetan diet manu-tolun 2 ho surisu 1.

Tia Maria ho Frater

Tia Maria: Frater sala saída mak hau hetan, Se hau susu Katuas-oan nia Albangka,

Frater: Oooh Santu, Laen nee sa konta gostu loos.

Faru no Kalxa

Feto istrada (Borboleta kalan) ida ba konsulta iha Dotor.

Dotor: Anoi moras saa ida?

Feto: Kabun moras Dotor!

Dotor: Entaun Anoi kolu faru depois sae kama leten para atu koko!

Feto: Kolu ho kalxa hotu ka, Dotor?

Dotor: ????????????????????????

Maukai & Buiroja

Iha tempo Indonesia Maukai & Buiroza sosa batar nurak husi hera mai faan iha mercado comoro. Bui roja ho batar bote ida hamrik estrada kraik, Maukai ho bote ida iha estrada leten. sira rua hakilar hanesan “Jagun muda, jagun muda, jagun muda”. La kleur ema ba hobur nia feen Buiroja nia batar, maibe maukai hakfodak tanba maske ema hobur nunee maibe nein ema ida sosa batar, afinal nia hafuhu ba hare Buiroja mak tuur sala hela mak halo ema hobur nunee. Maukai nervozu riba nia bote hodi hakilar ema sira "oi mingkir, mingkir, mingkir" nia hakat too Buiroja, nia tebe rabat bui roja nia kelen rua neebe nakloke hodi hatete "hey koblok, tutup kam punya jagun tua ini”.

Liurai ho ho Jovem

Liurai ida katuas ona maibe riku teb-tebes, nia iha feen rua no feen ida kiik nia tinan sei fresku hela. Iha loron ida nia konvida ema hatu-hotu atu ba haan iha nia uma, haan hotu tiha Liurai katuas nee konvida ema hotu lao hadulas nia jardim, hodi aprezenta pripriedade neebe iha. Iha jardim iha mos kolam neebe hakiak lafaek barak no siak tebes, deripenti liurai nia ai-tongka monu tuun ba kolam laran, ho laran susar liurai komesa halo kontratu ho nia konvidadu sira.

Liurai: “See mak barani tuun ba foti hau nia ai-tongka, hau sei fo propriedade iha Jardim nee sorin balu ba nia” tambá ema hotu tauk la iha ema ida maka hatan.

Liurai: “Se nunee, hau sei fo mos hau nia feen kiik” deripenti joven ida haksoit tuun ba kolam laran, no joven nee konsege foti sai Liurai nia ai-tongka, wainhira sae mai Liurai hakbesik kedas ba jovem nee, hodi dehan.

Liurai: “Agora ita boot bele foti hau nia feen kiik no propriedade sorin balu tuir hau promete”

Jovem: “Ita nia propriedade fali ka feen kiik mos hau lakohi hotu, hakarak hatene deit se mak ohin dudu hau monu tuun ba kolam nee”

Liurai: “Seee???!!!###”

Avo-mane husi An-rasik

Iha kazu familia ida nian neebe estrañu maibe realidade, maske juridicamente nee legal no justu. Deklarasaun husi kazu nee nian mak hanesan tuir mai nee:

Wainhira hau nia idade tinan 23, Hau kaben ho feto mista ida neebe mak bonita teb-tebes maibe faluk ho idade tinan 35. Mista faluk nee iha Oan-feto bonita ida ho idade tinan 12.

Tinan lima depois, nia Oan-feto neebe hanesan mos hau nia Oan-feto hakiak nee, gosta hikas hau nia aman neebe mak faluk, la kleur sira mos kaben. Nee significa katak; hau nia aman sai mos hanesan hau nia mane-foun. Buat neebe halo hau konfuzu mak nee; Hau nia Oan-feto hakiak sai mos hanesan hau nia Inan-hakiak (Madrasta), tamba nia kaben ho hau nia aman.

Komplikasaun ida nee sai todan no sabraut liu tan, tambá hau ho hau nia feen neebe eis-faluk nee kous ona oan mane ida. Hau nia oan mane nee sai hanesan maun-alin husi hau nia mane-foun, katak nia hanesan maun-alin ho hau nia aman. Nee signifika katak; hau nia oan mane hanesan mos hau nia tiun.

Buat ida mak halo hau tristi liu tan mak, hau nia aman nia ferik oan, neebe hanesan mos hau nia oan hakiak, kous Oan-feto ida. Ida nee signifika katak; Oan-feto nee sai hanesan hau nia bei-Oan-feto, tamba hau mak laen husi nia avo feto. Nunee mos nudar naan husi hau nia alin feto, tamba nia nudar oan husi hau nia aman. Hau nia ferik oan nudar inan husi hau nia oan hakiak, neebe nudar mos hau nia inan-kiik, tamba nia nudar hau nia aman nia feen. Nia mos sai nudar hau nia avo-feto, tamba nia hanesan avo-feto husi hau nia feton.

Se hau nia feen nudar hau nia avo-feto, signifika katak; hau hanesan nia bei-oan. No buat ida tan mak halo hau bulak se wainhira hanoin ida nee, hanesan laen husi hau nia avo-feto, signifika hau sai avo-mane husi hau nia aan rasik.

Status Fb Animal nian

See animal sira mak iha konta Facebbok karik, sira nia status nee mais ou menus oin saa?

Asu Sidade: “Agora hein hela atu ba salon”

Asu Foho: “Sorti aat liu, Hela ho Ema nee, Sira temi ita nia naran dala rihun ida mak foin foo ha-haan bikan ida, ita la tahan atu naok diet mos la-diak, se-lae orsida ita sai fali RW-ASU”

Barata: “Sorti, Hau foin sees aan tiha husi ain perigozu ida, Yeeeesssss”

Karau: “Haree took baa, hau nia Bai-noo nee, lor-loran mai hamaus, buti, dada no kumu hela deit hau nia susun, mais nia nunca hanoin atu mai prenda hau”

Busa: “Hau iha oan nain lima, foin da-daun sira husu sira nia aman mak see, hau atu responde oin-saa, see hau deit mos la hatene, bee sira nia aman sira mai husi oin karik hau kal sei hatene netik, sira mai mak kotuk-kotuk deit oinsa hau bele hatene”

Susuk: “Zzzzzziiuuuuuuhhh, Hau pozitivu HIV-AIDS, Hikkkkkkksssss”.

Manu: Kolega sira, See aban mak hau la update hau nia status FB, nee significa katak hau ema sona ona iha tasu, I Love You All, Koko-rei Koooooooooooo”

Karkol: “Foin ense tinta foun neeeeeee Boooooi”

Fahi: “Hau nee ema duun matak be-beik dehan Virus-Fahi, sorti aat liu”

Leki: “Sempre hau deit mak uza hela be-beik masker, troka malu nusaaaa”

Laho: “I wanna be like Mike (Mickey Mouse), Kiss, Kiss, Kiss, Koko-rei Koooooooooooo”

Biblia Testamentu Foun

Tiu ida sae Bus tuur kadeira hamutuk ho nonoi morek oan ida bee furak tebes. Wainhira viajen besik atu too fatin, tiu komesa kaer la metin haree nonoi nia isin be furak. Nia hodi kelen tuli bos-bosok nonoi nia kelen.

Nonoi: “Tiu keta kaaa, tiu mos nakar paa” Tambá hare nonoi hanesan la duun siak, halo tiu barani too haluha aan. La kleur tiu tau liman iha nonoi nia kelen, maibe nonoi hateke no nonok deit. Entaun tiu komesa la tahan liu ona hodi lori liman sikun tuli bos-bosok nonoi nia susun.

Nonoi: “Tiu sei hanoin ka lae Saun-Mateus 7:7?” (Spontaniamente deit, tiu nia oin kamutis sai metan kedas),

Tiu: (hanoin iha laran)“Kapitulu nee keta koalia konaba bandu no kastigu ba mane sira neebe nakar feto karik?, keta halo nonoi nee Irman karik” Too iha uma tiu loke kedas Biblia hodi buka Saun Mateus nia lia maksoin iha Kapitulu 7 no Versikulu 7. Depois lee tiha, tiu hakfodak tambá hatete nunee “Husu ba, mak sei foo ba o”. Tiu arapende baku reen toos, mas liu tiha ona.

Tiu: (Arapende) Hau mak sala tambá durante nee nunca lee Biblia nee nusa!.

Virjin iha Kalan Kamamentu

Colteti ho Coltita feen laen foin kazamentu no hahuu atu senti furak kalan dahuluk nian.

Coltita: Mooor, hau sei virjin hela no seidauk hatene buat ida konaba Sexual. Mor bele isplika uluk antes ita hahuu ka?

Colteti: Ohhh, Simplesmente Sexual nee hanesan nee, izemplu hanesan Kadeia. Mor nian mak hanesan Sela, Hau nian mak hanesan Kriminozu nee. Iha Kadeia kriminozu sira tenke hatama ba sela. (Hafoin sira komesa halo hahuu husi inisiu too remata. Wainhira hotu tiha, Colteti toba haklena tuun ba kama ho taka matan).

Coltita: Mooorrrhhhggg, kriminozu nee halai sai tiha husi sela nee (Colteti komesa hatama fila fali kriminozu ba sela. Afinal Coltita senti gostu teb-tebes nia relasaun sexual ba dahuluk nian nee. Komesa ida nee, durante sira halo relasaun sexual remata, noiva nee sempre hatete katak kriminozu nee halai sai tiha husi sela. Ho ida nee mak, Colteti mos komesa esplika hatutan tan katak: “Mooor, kriminozu ida nee, nunca kastigu too mate iha sela”

Coltita: Afinal kriminozu nee goza hanesan nee mak, kadei nee nakonu hela deit nee.

Atoi & Atta

Atoi ho Atta nudar feen laen, sira nia orariu kamamentu mak loron neebe hahuu letra "S", inklui Segunda, sexta ho Sabadu. Iha tempu ida loron kinta-feira, Atoi kal senti la tahan no hakarak atu kamamentu ho nia feen urjenti. Entaun wainhira sira toba nia komesa book nia ferik oan nia hutar okos, ho kalma Atta dehan: “Mooor, ohin laos loron S nee”, maibe ho oin mahon Atoi hatan dehan: "Haaah, o la hatene kaaa? bee ohin loron Sinta nee".

Maumali ho Miss

Iha loron ida Maumali lao pasiar ba iha Area Branca, iha neeba nia hare malae feto mos barak, entaun nia ho fiar aan hahuu lao exen la hotu rai. La senti nia liman sikun tuli kona Miss feto ida nia susun, depois nia hahuu koalia.

Maumali: I am sorry Miss

Miss: I am sorry too

Maumali: I am sorry three

Miss: What do you sorry for?

Maumali: I am sorry for five

Miss: Are you sick?

Maumali: Not I am seven. Just joking.

Tiu Amau & Nia Oan

Tiu Amau koñesidu ho nia hasan-rahun neebe naruk no boot. Iha loron ida nia disidi atu ba koi tiha nia ibun fulun nee. Wainhira nia fila husi salon, nia oan mane Colteti (tinan haat) neebe halimar hela iha sira nia uma oin. Tiu Amau atu koko deit nia oan mane sei koñese nafatin nia ka lae? Ho hasan-rahun la iha.

Tiu Amau: Ano, hau atu husu Tiu Amau nia uma mak ida neebe e?

Colteti: (ho tauk halai kedas ba nia inan) Ama hare took, apa koi tiha nia hasan-rahun, nia sai bulak tiha, nia la hatene tiha ona ita nia uma.

Noivu nia Mate

Iha jornal ida foo sai notisia nunee: Wainhira kazamentu tiha Noivu mate kedas iha kalan dahuluk. Kontiudu notisia nian mak hanesan: Mane ida ho idade sei kiik mate iha feto faluk ida ho idade tinan 75 nia uma, neebe foin kaben lalais nee. Polisia detekta katak mane nee hetan mate ona ho kondisaun modok no nafurin sai husi ibun. Mate isin evakua kedas ba mortuariu atu halo otopsia. Rezultadu otopsia katak, afinal mane nee mate tamba veneno husi susu been prazu.

Feen ho Laen

Feen ho Laen par ida foin mak kazamentu igreja no prontu atu hahuu kamamentu. Laen komesa hasai faru ho fiar aan hatudu nia brasu teek.

Laen: Mooor, iha kada hau nia brasu rua nee iha forsa hanesan ho Dinamite kilograma atus rua. Nia Feen assisti ho kontenti loos. Hafoin nia Laen komesa kolu nia kalsa hodi hatudu nia kelen neebe nakonu ho uat.

Laen: Iha kada hau nia kelen, iha forsa hanesan ho Dinamite kilograma atus lima. Wainhira Laen kolu nia kalsaun, nia Feen hateke no hakfodak.

Laen: Nusaa o hakfodak?

Feen: Hau tenke sai husi kuartu nee agora, Dinamite bar-barak hanesan nee maibe ho nia fuzivel badak oan hanesan nee, kuartu nee bele rabenta agora ho lais.

Lees Plastik

Orsida loro-kraik atu kazamentu, dadeer-saan Colteti kontenti la hotu rai, nia kanta, hakfuik no haksoit ba mai. Deripenti sama sala ensada nehan, ensada ulun fekit aan hodi baku nia Albanka, nia monu tuun ba rai mate kiik sae kedas.

Colteti nia aman lori nia ba klinika. Wainhira passa tiha reseita doutor foo aimoruk antibiotic no lori mos adejivu falun nia Albangka ho kabeer tamba or-oras tan atu ba ona Igreija hodi kazamentu.

Too tempu kazamentu buat hotu lao ho diak. Wainhira too ona kalan primeiru kamamentu nian, Colteti nia Noiva komesa kolu nia hena tomak, ho is-lolon molik nia hakbesik ba Colteti no hateten:

Colteti nia Noiva: “Papiii, nee seidauk iha ema ida mak book no kaer. Nee hau oferese sei ho fresku teb-tebes ba ooo” (Atoi mos kolu nia kalsa no hatan:)

Colteti: “Mamiii, laos o mesak, ida nee mos sei falun metin hela, nee so o mak foin lees plastik”.

Profesora & Alunus

Iha eskola Profesora husu ba alunus ida-idak nia mehi ba aban bain-rua hakarak sai saída.

Profesora: Nina, aban bain-rua o hakarak sai saida?

Nina: Profesora, hau aban bain-rua hakarak sai polisia

Profesora: tambá saa mak o hakarak sai polisia

Nina: Hau hakarak sai Polisia tambá  see karik naok teen tama prafesora nia uma hau mak ba salva. Profesora hahuu husu fali ba Maria

Profesora: Maria, aban bain-rua o hakarak sai saida?

Maria: Hau aban bain-rua hakarak sai Dotora, para sekarik naok-teen tama Profesora nia uma, Polisia ba tarde mak professora hetan kanek, hau mak sei kurtivu. Profesora hamnasa no admira teb-tebes, tambá haree nia alunus sira mesak néon nain diet. Ikus liu nia husu ba alunu mane ida naran Colteti.

Profesora: Colteti, aban bain-rua o hakarak sai saida?

Colteti: Hau aban bai-rua hakarak kee rai kuat iha santa kruz, sekarik aban bai-rua naok teen tama Profesora nia uma no polisia ho dotora ba tarde mak professora Mate, hau mak kee profesora nia rai kuak gratuita. Professora tensaun sae kedas, haruka Colteti hakneak iha meza leten ho fila kotuk mai kuadru too eskola sai.

Xefe Suku & Nia Manu

Xefe Suku ida gosta hakiak manu-fuik oi-oin. Iha loron ida nia manu sira nee lakon hotu kedas. Nia senti dehan nee naok-teen mak halo, nee demois liu ona. Nia foo ordem urjenti atu enkontru Suku nian. Populasaun neebe prezenti iha enkontru refere mais ou menus ema hamutuk 500 resin. Xefe suku mos hahuu esplika barak tebes konaba moral, etika, baruk-teen too naok-tee. Wainhira esplika remata nia husu:

Xefe Suku: “See mak iha manu?” deripenti deit, mane hotu-hotu neebe prezenti iha inkontru nee, hamriik hotu kedas. Senti ba hanesan nia sala hatoo pergunta, nia hadia la-lais hodi dehan:

Xefe Suku: “Lae, hau laos husu ida nee, hau atu husu dehan; see mak hare tiha ona manu?” feto hotu-hotu neebe prezenti iha enkontru nee hamriik hotu.

Xefe Suku: “(Hanoin) Aiiiii, araska loos nee” ho oin neebe mean nia hatete:

Xefe Suku: “La-ida, hau atu hatete dehan see mak hare tiha ona manu neebe laos ni-nian” feto sorin balu neebe prezenti hamriik. Xefe suku nia oin amenta mean, no amenta nervozu hodi koalia tan:

Xefe Suku: “Diskulpa, dala ida tan hau laos husu ida nee, maibe hau husu see mak hare ona hau nia manu?” Feto nain 7 deripenti ham-riik. Deripenti fatuk boot ida ho ai-trabesaun pedasuk ida semo ba Xefe Suku. Ema hotu hakfodak tambá hare xefe suku haksoit tuun rai no halai, haree ba Xefe Suku nia feen mos halai tama sede inkontru ho Katana mau-beka ida.

Robot Detekta Bosok

Professor espertu ida susesu kria robot mak bele detekta ema bosok. Robot nee sei basa deripenti see nia rona ema ruma bosok. Iha loron ida profesor hein hela nia oan feto neebe fila eskola tarde. Wainhira nia oan feto too iha uma, profesor husu.

Profesor: “Nusaa o fila uma tarde nee?”

Oan-feto: “Aaag Pai, ami iha materiu extra nee” *Plak* (robot basa nia oan feto)

Profesor: “Oan, nee robot foun apa nian, nia sei basa se-deit mak koalia bosok. Agora o hatete lolos deit, tambá saa o fila uma tarde?”

Oan-feto: “Aaag, diskulpa pai, hau ba haree filme iha kolega nia uma”

Profesor: “Imi ba hare filme sa ida?”

Oan-feto: “Fiiilllmeee, Domin pai” *Plak* (robot basa tan oan-feto dala ida)

Profesor: “Oan hatete lolos deit, para robot labele baku tan o”

Oan-feto: “Diskulpa papa, ami nonton filme porno” rona tiha nunee, professor hirus teb-tebes no hatete.

Profesor: “Aaaiii paaa, oin hanesan o nee aban rua atu sai saida?. Buat nebee o halo nee halo moe teb-tebes hau. Uluk hau sei idade kiik hanesan o, hau nungka hare filme porno” *Plak* deripenti robot basa profesor, situasaun sai nonok deripenti. Profesor nia ferik oan hamriik no koalia ho makaas.

Feen: “Nee mak hau dehan, ai-fuan nee kuandu monu la dook husi nia huun. Maske oinsa mos o nia oan rasik, laos………” *Plak* (robot basa profesor nia feen). Profesor hakfodak no hamriik hodi koalia makaas liu tan ba nia feen.

Profesor: “O dehan lolos deit, see nia oan­?”

Feen: “Hau nia eis-namoradu” *Plak* (rabot basa tan dala ida). “Lae, hau nia kliente kaset porno”

Masturbasaun

Kaben nain ida ba konsulta ho dotor iha oras dader saan. Nia foka sai konaba maneira oinsa mak bele halo relasaun neebe kleur ho ferik oan. Dotor foo reseita katak mane barak bele halo relasaun kleur, wainhira halo uluk masturbasaun. Rona tiha nee, nia planu hakarak halo relasaun ho nia feen iha oras haan meudia nian. Hafoin nia fila ba serbisu fatin ho hanoin atu halo masturbasaun iha fatin neebe mak seguru. Nia koalia ho laran ”Aaah labuat ida, naran katak bele kleur”. “Iha Office? imposibel. Iha hariis fatin office nian? la duun seguru. Iha fatin parking? Jeral liu”.

Entaun nia foti inisiativa atu halo wainhira fila meudia husi Office. Too iha dalan klaran, nia para tiha kareta ba rai ninin no tama ba iha kareta okos, finzi hanesan kareta aat. Tambá nia haree ema la iha, entaun nia loke kalsa korenti hafoin piñeta nia albanka hodi imajina akontesementu furak sira neebe nia ho nia feen halo. Tambá gostu entaun nia taka matan, maibe nia senti ema ida book nia ain. Tambá la kohi lakon sensasaun gostu neebe nia senti hela, entaun nia kontinua taka matan hodi koalia.

Mane: “Nusa o book hau, presiza buat ruma ka”

Ema: “Ita boot halo hela saa ida mak iha rai nee?”

Mane: “Beee, o la hare kaaa, hau sei hadia hela travaun ho buat balu” (nia matan sei taka nafatin)

Ema: “Ooooh nee kaaa entaun diak, ita boot dehan hadia travaun mas kareta dook tiha nee mak hau hanoin dezastre karik”.

Mane: ??? (nia hanoin kona kedas, afinal ohin travaun liman seidauk dada). Nia loke matan hare nia kareta muda aan tiha ba nia ulun. Polisia ho kareta Pick-Up rua para hein hela nia.

Polisia: “Ita troka travaun ka Hasai oli travaun”.

Mane: “Eeehgk, Mehi aat mak hasai hela Oli foer saa, obrigadu”.

Aimoruk Tasi Metan

Mane oan ida naran Maumali ba Matan-dook atu sosa aimoruk hodi haforsa nia Albanka, atu nunee iha kalan primeiru ho nia noiva bele rame liu tan. Wainhira too iha neeba, Matan-dook aprezenta aimoruk foun naran Tasi metan.

Matan-dook: “Agora hau iha imoruk foun, ida nee mak diak liu, maibe karun”

Maumali: “Entaun hau sosa rua”

Matan-dook: “Ai-kulit rua nee uza ida-ida, antes atu hahuu halo kamamentu, nata uluk hafoin kose ba albanka no dehan “Sssiuuuu” nia sei nakfilak sai perfeitu loos atu uza. Kuandu uza baruk ona, hateten deit “Woooiii” mak o nia albanka sei normal fila fali”

Too iha uma, Maumali antusiasmu teb-tebes atu hatene aimoruk nia rezistensia, entaun nia tama kedas ba haris fatin hodi koko, halo tiha hanesan matan-dook hatete, nia haree perfeitu duni.

Tempu kalan dahuluk kamamentu nian too, Maumali ho fiar aan tebes atrai nia feen atu hahuu halo relasaun sexual. Antes sira atu komesa, ho lais nia hasai Ai-moruk tasi metan neebe falta ida, nata no kose ba nia albanka hodi hatete “Sssiuuuu” nia albangka nakfilak aan ho perfeitu. wainhira nia noiva hare ida nee, nia kontenti no admira tebes hodi dehan “Woooiiii”. Deripenti sira nia serimonia ulun tuun ai-sae.

Pilotu nain Tolu

Iha tempu Indonesia aviaun naha militar nian ida monu iha foho Ilimano, iha aviaun laran pilotu nain tolu deit mak moris. Pilotu nain tolu nee, hetan kaer husi Ema Ilimanu sira neebe moris hanesan Cannibal. Haree tiha ida nee, pilotu nain tolu husu perdaun atu labele oho sira. Entaun Xefe Étnika iha fatin refere hatete:

Xefe Étnika: “Se imi hakarak moris, imi tenke ba iha ai-laran neeba no lori fila ai-fuan sanulu neebe hanesan. Kada ema ai-fuan tenke ketak-ketak maibe imi nia tempu oras tolu deit”

Ho isin lais pilotu nain tolu nee halai baa ai-laran hodi buka ai-fuan. Liu tiha oras rua, pilitu Primeiru mai lori Uhak fuan sanulu.

Xefe Étnika: “Diak o lori ona uhak fuan sanulu. Agora o hatama ida-idak liu husi o nia kidun. Se o halerik ka halo lian, hau sei tesi o nia isin sai naan pedasuk”

Ho esforsu no tahan aan makaas pilotu primeiru konsege hatama uhak fuan ida la halerik. Maibe nia senti moras labele, wainhira hatama uhak fuan daruak nian, entaun nia halerik. Ho brutal Xefe Étnika tesi kotu Pilotu primeiru nia kakorok. Klamar sae ba lalehan.

Pilotu segundu mai lori Jarmalee fuan sanulu. No Xefe Étnika foo instrusaun hanesan. Iha nia laran ”Ohhh jarmalee nee fasil hela” maibe iha tempu nia hatama jarmalee fuan ba dala ikus Xefe Étnika deripenti deit tesi nia kakorok. Wainhira pilotu segundu sae ba lalehan, hasoru malu ho pilotu primeiru.

Pilotu 1: “Haaa, o mos mate kaaa?”

Pilotu 2: “Sim, be hau lori uhak neee, moras la tahan sa, sorti aat liu, Xefe Étnika nee kriteriu todan demais liu. Depois o lori ai-fuan saída?”

Pilotu 2: “Jarmelee”

Pilotu 1: “Haaa, Jarmalee fasil loos nee, kiik depois la moras tan”

Pilotu 2: “Loos duni sa! La moras ida, jarmalee fuan sanulu nee hau atu hatama hotu kedas ona iha hau nia kidun kuak. Maibe deripenti hau hamnasa jarmalee fuan sira namtate sai hotu kedas”

Pilotu 1: “O para beik-teen, atu mate da-dauk mos sei hamnasa diak hela nee”

Pilotu 2: “Nusa mak hau la hamnasa? Be hau hatama atu hotu ona mak, hau hare fali Pilotu terseiru mai lori kulu-jaka fuan sanulu, fuan bo-boot deit tan”

Sexual & Familia

Feto raan bonita oan ida atu sai husi uma ba hasoru nia namoradu ba dahuluk nian. Feto raan nia inan senti tenki foo konselu ba nia oan.

Inan: “Oan, o tenki kuidadu, kuandu namora tenki mantein distansia. Sa tan o nee feto neebe bonita tebes. O nia namoradu dalaruma sei la tahan hodi dudu o, hatoba o, kolu o nia faru hodi halo relasaun ho o. Se kuandu ida nee mak akontese, mak akontesementu ida nee sei halo moe ita nia familia”. Oan feto nee kaer metin lia-menon nia inan nian. Iha aban dadeer nia inan husu.

Inan: “Nusaa, nia keta halo buat ruma neebe halo moe ita nia familia karik”

Oan: “La-ida mama, nia koko duni dudu hau, loke hau nia faru hodi obriga atu halo relasaun ho hau. Maibe hau tenke forsa, hau lakohi nia halo moe ita nia família, entaun hau hamriik”

Inan: “(iha laran) see nunee entaun diak, nia kaer metin hau nia lie menon”

Oan: “Hau hamriik responde halo moe nia familia. Hau dudu nia tuun, hau kolu nia faru no halo relasaun ho pozisaun iha leten”. *Brukqkqk* (Inan monu tuun desmaia liu).