Karta Aplikasaun Serbisu

Karta Aplikasaun Serbisu

Karta Aplikasaun Serbisu maka indikador importante ida ba Instituisaun Privadu ka Públiku hodi hili Funsionariu foun neebe sira atu rekruta. Se karta aplikasaun ida susar atu lee ou la-atrai ema atu lee maka parte rekursu humanu sei la-halo pasa iha selesaun dokumentus.

Karta Aplikasaun refere mak determina potensialidade loloos husi kandidatu ida nian, hanesan konseitu ka kapasidade hakerek, Sertifikadu Literaria no Sertifikadu esperiensia serbisu ou Sertifikadu Estajiu iha Instituisaun konñesidu ruma mos sai hanesan sasukat iha selesaun dokumentus nian. Tuir mai mak ijemplu hodi hakerek Karta Aplikasaun Serbisu neebe diak:

** La-presiza hakerek nar-naruk hodi esplika ita boot nee see, mas natoon deit hanesan Remata eskola no esperiensia serbisu

** Hatoo diretamentu ita nia objetivu katak atu sai nudar funsionariu iha Instituisaun refere

** La-bele repete liafuan, kontrola liafuan hirak neebe karik koalia ona la presiza repete tan

** Tenke hakerek ho fiar aan ho foo razaun tanba sa Instituisaun tenki simu ita boot, maske nunee la-bele fiar aan liu

** La-presiza aneksu Sertifikadu hotu-hotu neebe ita iha, aneksa deit tuir kriteriu neebe husu.

Maka nee deit obrigadu wain. Tuir mai Ijemplu konaba karta aplikasaun nian.

Maumali Colteti Ama

Becora, Dili, Timor-Leste, Phone: +670 ……….

Email: ………………………….

 

Ex.^sia Señor

Betano Matlele

Diretor Jeral ………………

Dili, Timor-Leste

 

         Asuntu            : Karta Aplikasaun

 

Exelénsia;

 

Bazeia ba Vaga Serbisu ho Kategoria; ………, Funsaun; ……………, №.Ref;………………., neebe publika husi Jornal ……... Maka hau hakarak teb-tebes atu serbisu hamutuk ho Ekipa ……………….. iha ……………... Oras nee dau-daun hau serbisu iha ………….. ho knár atividade tekniku sira hanesan ………………….. Aleinde nee, hau haknár mos hanesan …………. nian.

Hau hakarak apriende no ema neebe aprende lais, atensaun diak ba detalles, honestu, pontual no diak ho sese-deit. Hau sei esforsu an tomak hodi halo serbisu sira tuir regra neebe iha no prontu serbisu liu oras normal wainhira persiza. Hau prontu simu suspensaun wainhira hau la-iha responsabilidade ba knaar no fiar neebe hau hetan.

Hau iha koñesementu diak ba area …………. Aleinde nee mos, hau iha koñesementu diak konaba ….. Hau sei aplika kapasidade ituan neebe hau iha ho interese tomak ba desemvolvimentu. Tuir mai iha mos aneksu dokumentu nesariu sira atu sai hanesan sasukat ba ita boot.

Maka nee deit karta aplikasaun nee hau halo, ba ita  boot nia atensaun no kolaborasaun neebe diak hau hatoo kumprimentus no obrigadu wain.

         Díli, 13 Outubru 2014

________________________

Maumali Colteti Ama

                                                                                       Aplikante

 

Live always offers you a second change, it's called tomorrow