Curriculum Vitae (CV) Versaun Tetun

Curriculum Vitae Versaun Tetun

Hahuun ba posting ida liu ba konaba Karta Aplikasaun Serbisu versaun Tetun nian, maka tuir mai izemplu ida konaba oinsa atu halo ka hakerek dokumentu CV versaun tetun neebe fasil no simples, maluk sira bele haree depois bele halo edisaun ka hadia tuir ita boot sira nia presiza.

 

 

Maumali Colteti Ama

Becora, Dili, Timor-Leste, Phone: +670 ........

Email: mphornai@gmail.com

 

IDENTIFIKASAUN PESOAL

Naran Kompletu      : Maumali Colteti Ama

Fatin no Data Moris : Betano, 09 Janeiru 1982

Idade                       : Tinan 32

 

KUALIFIKASAUN

Setembru 2001 - Outubru 2007    Lisensiadu iha Kontabilidade

Fakuldade Ekonomia

Universidade da Paz Dili, Timor-Leste

 

ABILIDADE

Auditoria

1.     Hau iha abilidade diak hodi halao serbisu tekniku iha area Auditoria, Investigasaun Administrativa, Inspesaun Bens ka Obra iha internu Governu, atu ezamina natureza ezekusaun OGE neebe kontra lei, hodi rekomenda ba orgaun kompetenti

2.    Hatene halo anotasaun no prepara relatoriu despeza ba instituisaun públiku ou          privadu ho sistema manual ka eletronika

Lingua no IT

1. Hau iha koñesementu diak ba lian Tetum no Indonesia, hau mos iha koñesementu natón ba lian Portugues no Ingles
2. Iha abilidade diak ba pakote aplikasaun sira hanesan Ms. Office, Internet, Website, MYOB, Reparasaun PC, Software no Hardware

Jestaun Pesoal no Organizasaun

1. Hakarak aprende no ema neebe aprende lais, atensaun diak ba detalles, honestu, pontual no diak ho sedeit
2. Bele halao serbisu oi-oin iha tempu hanesan no iha abilidade atu serbisu iha Ekipa ka Mesak

ESPERIENSIA SERBISU

16 Juñ 2008 - data ohin        Serbisu iha ................................................................... Dili, Timor-Leste, Hanesan Senior Auditor

          Nudar Senior Auditor hau nia serbisu maka:

1.     Simu despaixu knár (Keixa ou Programa), estuda hodi hatene nia konteudu

2.    Estuda Leis no regulamentu sira neebe relasiona ho konteudu despaixu

3.    Forma Ekipa hodi halo planu atividade no karta aprezentasaun

4.    Rekolha Dokumentus ho informasaun hodi analize no avalia

5.    Halo kontraditoriu hodi hetan klarifikasaun ba erru sira

6.    Elabora relatoriu final

01 Set 2006 - 30 Aug 2007     Nudar Mestri iha Ensino Sekundária №.I  Fatuberlihu,  Manufahi, Timor-Leste

          Knár nudar mestri nian maka hanesan:

1.     Prepara materia Kontabilidade no Ekonomia hodi hanorin iha klasse I too III

2.    Prepara planu hodi organiza estudante sira ba atividade extra nian

 

KURSU NO TREINAMENTU

1.     Hahú husi loron 31 Out 2011 - data ohin, involve nudar partisipante (membru) liu husi kursu intensiva ba Auditoria Internu Kompletu iha YPIA-Jakarta

2.    Tuir Treinamentu espesifiku ba Investigasaun Finanseira no Jornalismu, apoiu husi USAID no CJITL Timor-Leste

3.    Husi 03 Set 2010 - 09 Mar 2012, Aprende dezenha no prátika sistema kontabilidade ba anotasaun ho formulasaun relatoriu despeza hahún ba sistema ezekusaun OGE-TL nian, versaun Tetum, hetan apoiu husi USAID

4.    Iha loron 01 Jul 2008 - 25 Set 2008, Hetan formasaun intensiva konaba Financial Accounting, Financial Audit no Internal Control, versaun Ingles, oferese husi JICA

5.    Loron 20 too 26 Nov 2008, Kursu Komputador ba Programa Ms: Word, Excel no Pawer Point 2003, iha INAP Comoro Dili

 

REFERENSIA

Buibere Letmau                                    Mauleki Bere

Tekniku ....................                           Xefi Dep. ...................

             №.Hp: +670 .............                           №.Hp: +670 ................