Saida Maka Loron “Valentine Day”?

Valentine Day

Hori tempu uluk, iha Rai Italia ne’ebe sei iha funu laran, Liurai Claudio II mak kaer ukun iha tempu ne’eba. Ne’e duni, iha loron 14 Febreiru Tinan 270, Liurai Claudio II hasai ordem hodi bandu Joven sira atu labele Namora ka Kasamentu, para wainhira funu karik, la bele failansu.

Maibe iha momentu ne’e mos, Padre Valentine fo’o Kazamentu sub-subar ba joven sira atu hamenus Joven sira ne’ebe karik atu sai Forsa wainhira ba Funu, hodi labele funu bei-beik, maibe oinsa bele kria fila fali Unidadi no Paz iha sira ida-ida nia sosiadade laran.

Rona tiha ida ne’e, Liurai Claudio II dehan ba’a Padre Valentine katak; “ita bo’ot kontra tia ona bandu ne’ebe hau halo”, Entaun Liurai Claudio II haruka nia nia Soldadu sira ba’a kaer Padre Valentine hodi ba’a kastigu iha Prejiaun no baku nia to’o mate. Ho ida ne’e maka, to’o ohin loron, Mundu tomak Rekonese Padre Valentine nia espiritu Domin no esforsu tomak ne’ebe nia halo atu kuda domin para bele hetan paz hodi halakon funu.

To’o ohin loron, Mundu tomak kada tinan iha Loron 14 Febreiru komemora loron ne’e, ho spresaun domin oi-oin, mak hanaran Valentine Day. (Padre Valentine).

See nia hili hodi husik o, la-bele husu favor atu impede nia, see wainhira nia la-bele simu o nudar o iha, buka no hetan-ba ema nebee bele simu o nia realidade