Tipu Humanu 4 Tuir Gordon W. Allport

Gordon W. Allport

Nudar Emar-Moris iha Mundu Rai Klaran, ida-idak marka ninia Personalidade la-hanesan entre Ema ida ho ema seluk, signifika katak ita hanensan ema komun (Common) la-hatene ba malu laran/hanoin entre ita nian ho ema seluk, maske nunee tuir Gordon W. Allport katak maneira hodi estuda hodi buka hatene ema seluk nia hanoin liu husi nia Personalidade (Personality).

Saida mak Personalidade? Komforme Gordon W.Allport (Peritu/Expert) fo nia hanoin katak; Personalidade hanesan Organizasaun ida neebe dinamiku, husi sitema fizika sira neebe individual maka determina, hahalok no hanoin individual ida nian neebe spesifiku. Interasaun (interaction) fiziku sira neebe mosu tamba hahalok Emar-Moris nian.

Tipu Sanguine

(Kontenti-Nain); Maka Ema neebe nakloke aan tebes entre tipu natureza hot-hotu.

Sira gosta kualia, fasil adapta aan, simpatiku, humor no gosta rona sugestaun (Responsive), Sira la-simu kuandu ema oin foun ida iha nia oin maibe la-hasee nia, Gosta ransu no Espontanea (spontaneous), Sira nunka laran susar ba Futuru no Pasadu maibe sira gosta goja deit kontenti iha loron ohin nian neebe sira liu dau-daun kompara ho tipu sira seluk, Sira bai-bain laos analiza nain, sira siik akontesementu sira neebe iha ho lais, dala-ruma hetan dezafiu tamba nunka antisipa husi sira nia desijaun, Sira nia sentimentu iha papel neebe Dominant tebes iha aspetu tomak, dala-ruma sira nia desizaun mos nakonu ho emmosional, maioria sira nia desizaun hirak nee la-dun foo benefisiu, Sira ema neebe kontenti door, fasil halo ema seluk hamnasa no bele foo esperitu ba ema seluk. Maibe nia frakeza maka halo buat hotu ho nia emosional ka hakarak (Impulsive).

Tipu Coleric

(Nakloke nain); Maka Ema neebe nakloke aan maibe natoon deit duke tipu Sanguin nian neebe Super nakloke.

Sira ema neebe ativu, espiritu serbisu makaas, ambisaun, motivador, Tamba nia hahalok neebe hakarak nee makaas, hamriik mesak, estuda makaas no dala-ruma ulun fatuk toos, Transijen (Compromise/rona-malu) hanesan buat neebe todan tebes ba sira, Exetu (Except/Kecuali) transijen nee iha vantajen ba objetivu neebe sira iha, Sira iha objetivu ba buat hotu husi Saudi fiziku too hahalok oan sira, Sira maka tipu neebe gosta Substitui (ambil Alih), Gosta manda ema iha sira nai sorin, la preukupa ema nee gosta ka lae, Sira moris nakonu ho konflitu. Parte baziku husi hahalok sira nian hahalok neebe sedauk ha-lekar maka emosaun, Sira maioria susar atu aseita pedidu husi ema seluk, atinji objetivu hanesan ambisaun husi ema Coleric, Ema coleric balu hetan reputasaun tamba manipula ema seluk, Sira ema neebe bele hatete katak orienta liu ba serbisu no knaar, iha disiplina serbisu aas, Ninia vantajen maka nia bele halao serbisu ho loyal no sei responsabiliza ba knaar neebe nia halao, Nia frakeza maka la-iha psivildade hodi bele senti sentimentu ema seluk, tamba sira nia sentimentu la-dun joga.

Tipu Melancholy

(Nonok Nain); Maka ema neebe talenta aas liu entre sira seluk nunee mos hanesan tipu ikus liu neebe respeitu tebes sira nia Talente rasik.

Tipu Melancholy iha hahalok natureza taka-an, Sira sempre iha fundamentu neon nain neebe aas no repetu nain neebe klean nee maka halo sira respeitu liu Arte duke tipu sira seluk, Sira sempre gosta tuur nonok no triste door tamba Sira moris mai nudar ema Pefeksionista, Sira sempre ha-tuun aan rasik hodi la-bele halo buat ruma ho diak maske iha realidade produktividade sira nian aas teb-tebes dukee tipu sira seluk, Sira gosta foo aan ba mate wainhira halo serbisu ruma, seriu no tauk failansu tamba Sira iha hahalok natureza neebe kuidadu teb-tebes (Careful), Sira nia moris nakonu ho Dezafiu (Challenge) ka vizaun hodi investe sira moris, maibe sira nia espasu atu produs rasik menus liu, Sira ema neebe obsesaun ho rezultadu serbisu neebe sira halo diak teb-tebes, perfeitu liu tamba sira kompriende valoriza furak iha moris ida nee, Sira nia frakeza maka, sentimentu dumina liu sira aan no sira toman tuur nonok.

Tipu Plegmatic

(Taka-Aan Nain); Maka ema neebe Taka-an liu, La-ezizi, Pasensia no Maten.

Sira nunka laran triste wainhira halo moe sira an-rasik no sira sei husu diskulpa ba buat hotu neebe maka sira halo, Sira ema neebe diak liu ho hahalok neebe kontenti no ksolok, Barak husi sira Komik-teen tamba sira iha Kapasidade Humor, Sira moris mai ho talenta Diplomata no Dame Nain tamba nee Labarik barak gosta sira, Ema Plegmatic nudar Amigu neebe ksolok no la-hamtauk, Rua husi frakeja Plegmatic nian maka Sentimentu Tauk no Egoista maibe tamba sira nia atetude sempre ho Diplomasia maka nia Amigu sira mos la-hatene nia hahalok, Sira ema neebe ita hare Kalma, La nota nia Emosaun, ita nungka hare nia Kontenti ka Tristi, Sira ema neebe dumina tebes sira aan ho diak, introspective teb-tebes, hanoin klean, bele hare no imajina problema hirak neebe akontese iha sira nia sorin, Frakeja maka; sira gosta foti maka fasil deit, susar sira la-gosta, maka sira dala-barak uza dalan terik neebe fasil no kmaan.

Signifika Dinamiku iha difinisaun ida nee katak Komportamentu (Behavior) bele iha Mudansa liu husi prosesu Aprendijazen, Esperiensia Sira, Rekompensa (Reward), Kastigu (Punishment), Edukasaun no Sst. Ezemplu Ema Baruk-Teen ida depois tiha tama iha Colgio sei sai badinas, maka nia Personalidade muda ona. Imi mos bele uza teoria ida nee hodi difini imi Personalidade lolos maka ida neebe, lee ho neneik imi sei senti rasik durante imi nia moris tomak, akontese barak liu maka iha parte neebe.

 

Sira estuda katak oras ida hanesan ho minute 60 no minute ida hanesan ho segundu (detik) 60, maibe sira nunka hatene katak segundu ida sein o buat hotu la iha folin