Oinsa atu haruka Osan hodi Serbisu ba Ita?

Osan hodi Serbisu ba Ita

Hodi Osan bele hadulas Mundu, tamba nee maka osan difisil kualker ema bele hetan ho fasil, tenke ho badinas, matenek, neon nain, pasensia, liu-liu maka Jestaun ba osan.

Tuir mai esplikasaun badak konaba lalaok Osan-tama no Osan-sai tuir Ema ida-idak nia rendimentu.

Osan tama no sai ba Ema Sira Ekonomia Bai-Bain:

Ativa (Debit) Osan Tama > Serbisu> Rendimentu      = US$ 200.00

Pasiva (Credit) Osan Sai  > Despeza                            = US$ 200.00

Depozitu/Saving                                                            = US$ 0.00

Propriedade                                                                    = US$ 0.00

Deve                                                                                = US$ 0.00

Ema sira nee serbisu hodi hetan Rendimentu hodi uza ba despeza ka konsumu hotu kedas la iha osan restu natoon hodi salva ka saving.

Osan Tama no Sai ba Ema Sira Ekonomia Mediu:

Ativa (Debit) Osan Tama> Serbisu> Rendimentu = US$ 500.00

Pasiva (Credit) Osan Sai> Despeza                       = US$ 200.00

Depozitu/Saving                                                     = US$ 0.00

Propriedade                                                            = US$ 0.00

Deve                                                                        = US$ 300.00 (Selu Deve).

Ema sira nee serbisu hodi hetan Rendimentu. Tamba hakarak atu moris diak liu tan maske sira nia rendimentu la sufisienti, maka hakarak ka la kohi tenke deve (Kartaun Kreditu, Kreditu Uma, Kreditu Kareta no sst). Entaun sira sempre selu uluk nanain deve hafoin ba despeza nian, maibe sira nia Saving sei laiha nafatin.

Osan Tama no Sai ba Ema Riku:

Ativa (Debit) Osan Tama> Propriedade> Rendimentu = US$ 800.00

Pasiva (Credit) Osan Sai> Despeza                               = US$ 200.00

Depozitu/Saving                                                              = US$ 400.00

Propriedade                                                                     = Foo Aluga Uma

Deve (Sei bele Minimiza)                                                = US$ 200.00

Sira rendimentu husi sira nia propriedade hanesan foo aluga uma, Sira mos iha Salva/Saving neebe bele uza hodi hola tan Propriedade neebe boot liu tan hanesan Deposzitu no Sst. EMA NEEBE RIKU, NIA SEI RIKU BA BEI-BEIK.

Oinsa Maneira atu ita bele hetan Depozitu/Saving hodi sosa Propriedade?

E        = Employee

B       = Business

S       = Self Employee

I         = Investor

Esplikasaun:

Employee serbisu nudar traballador, see wainhira rendimentu boot liu husi despeza maka sei iha osan restu ba depozitu nian no sei akumula hodi sosa propriedade.

Business katak Ema industrialista neebe iha negosiu ho sistema, maka maske ninia prezensa la iha mos aktividade negosiu lao nafatin. Sira mos ativu tebes iha depozitu maka dalabarak sira ninia propriedade sempre amenta ho abansadu.

Self Employee hanesan Doutor, Artista no Sst, sira serbisu mesak ho sira ninia professionalismu rasik, see wainhira sira nia despeza kiik liu rendimentu, maka sira mos sempre iha depozitu, no sira nia depozitu bele hodi hola propriedade.

Investor katak ema neebe nia rendimentu hanesan Pasive in-come, katak rendimentu nee la depende ba nia serbisu ka lae, rendimentu mai nafatin.

Iha serbisu ida nia laran eziste kondisaun rua (2) ida: serbisu neebe ho Fatores Siguransa no rua; serbisu neebe ho fatoris Liberdade, maibe serbisu hirak nee ida-idak ho ninia natureza ketak-ketak, hanesan esplika tuir mai.

Razaun ba Sira neebe hili Siguransa

Tamba tuir sira, kuandu kada fulan simu rendimentu maka senti livre loos. Maibe wainhira Ema hasai tiha husi serbisu ka moras? Maka rendimentu lakon ho deripenti.

Razaun ba sira neebe hili Liberdade

Sira hili liberdade. Hodi livre serbisu makaas hodi hetan rendimentu neebe makaas tuir sira nia hakarak.

E        = Employee > Ita boot serbisu ba ema seluk,

B       = Business > Ita iha negosiu neebe iha sistema, ema mak serbisu ba ita,

S       = Self Employee > Ita boot mak nain ba serbisu,

I         = Investor > Ita boot investe osan hodi serbisu ba ita boot.

Ninia Pergunta Maka:

(1). Oinsa dalan ita boot nian hodi hetan rendimentu agora dau-daun?

(2). Too agora ita boot nia propriedade hira maka hetan ona passive income?

(3). Biban ka lae kestaun ida nee ita boot sei hetan iha tinan 5 oin mai ho ita boot nia serbisu agora?

(4). Se karik ita boot hakarak osan osan tama ho montante hamutuk US$3,000.00 kada fulan signifika ita boot presiza hari propriedade ho kustu US$3,00,000.00 neebe rai iha Banku ho persepsaun katak osan funan kada fulan 1%.

Reference: Rich Dad Poor Dad, CASHFLOW Quadrant (best seller books in State & Australia).

Halao buat nebee iha valor, hateten sai korajen ruma no komtempla buat furak ruma hanesan kestaun neebe presiza ema ruma atu halo iha moris nee. (TS Eliot)