Asegura File Privadu (Segredu) ba Interese Pornografia

Memory Card ho Flash Disk

Kuidadu ho imi nia file privadu ka segredu sira (Picture, Video no Dokumentus) iha Telemovel ka Komputador neebe aat, wainhira atu ba hadia iha fatin servisse sira liu-liu telemovel, se lae ema bele duplica file hirak nee hodi publika iha Social media (Facebook, Twitter, Google Plus no seluk tan), hodi insulta no hatuun privasidade humanu nian.

Sekarik imi nia telemóvel ruma aat no arkivu privadu hirak nee rai hela iha memory phone, entaun diak liu telemóvel refere sunu tiha deit ou lae imi hadia rasik, labele lori ba iha fatin servisse sira, maske fatin nee imi konfia. Tambá oras nee dau-daun, iha software bar-barak hodi duplica no deskobre file segredu hirak neebe rai iha memory telemóvel no Komputador sira mak aat.

Hau iha Dalan ida atu hafahe ba imi, sekarik imi iha telemovel ruma aat neebe ho nia folin mak karun tebes entaun ita atu sunu tiha mos labele, atan hau rekomenda ba imi katak: "Diak liu antes kedas, imi nian file privadu hirak nee labele hatama ka rai iha Memory phone, tenke rai iha Momory Card, para depois atu ba hadia hein hasai deit memory Card. Labele rai uluk iha memory phone depois atu ba hadia mak foin transfer ba memory card, tamba maske transfer tiha ona no memory phone mos mamuk maibe file privadu nia fatin ka lalatak sei iha, entaun ema bele bolu hikas (Recover) fila fali file nia ain fatin nee uza software recover, maske ita delete ka format tiha mos ema bele bolu hikas fila ho software Unformat ou Undelete”.

Aleinde nee mos hanesan ho Komputador ka laptop sira, labele rai ka grava file privadu sira iha Hardisk computador nian, karik imi hakarak tau file hirak nee ba computador, diak liu grava diretamente husi mobile ka konesaun ruma ba iha USB (Flashdisk) ou External hardisk, atu nunee bele seguru liu. File hirak neebe imi grava iha USB, bele utiliza computador hodi loke deit maibe labele save iha computador.

Ikus liu hau fiar katak alternativa ida nee, bele assegura imi nia file segredu sira no hametin imi nia privasidade iha publiku. Lia menon ida tan labele foo impresta imi nia USB neebe haloot File privadu nian, selae ema bele duplika, labele hatudu imi nia file privadu ba kolega sira, maske ema nee imi konfia. Tuir lolos IT nee iha nia kode etika rasik laos arbiru. Kode Etika IT nian mos bele lori kondena ema iha Tribunal no kadeia, maibe tambá Timor sedauk iha Ai-Huun ka asosiasaun ruma ba IT sira, hodi defini ida neebe maka IT Legal no IT Ilegal, entaun foo oportunidade ba ema sira neebe la iha responsabilidade hodi halakon konfiansa publiku nian ba knaar profesionais ida nee.

Teknolojia laos buat foun ida ba ita, maibe iha nia evolusaun no dezenvolvimentu teknolojia nee rasik, hetan avansu neebe makaas teb-tebes. Mai ita hamutuk kolabora malu hodi hafahe informasaun ba maluk sira neebe seidauk iha koñesementu diak konaba lalaok IT nee rasik, atu nunee sira labele sai vitima no atan ba teknolojia neebe iha.

Domin laos besi asu, maibe lao tuir nia hakarak rasik. Domin laos vertikal hanesan bee neebe suli husi fatin aas ba fatin klean, maibe horizontal hanesan anin no kalohan be semo ba mai. Maske la haree maibe senti, Maske haree  maibe la senti, wainhira o hare no o sei la senti katak o la hare nunee mos wainhira o la hare maibe o sei senti katak o hare. Xavi ba sentiment Domin nian mak IDA DEIT "O FOO HAU SIMU, HAU FOO O SIMU". see hau foo maibe o la simu nee la-significa katak sentimentu nee iha