Oinsa Dalan Hodi Haksumik Folder iha Desktop

Haksumik Folder iha Desktop

Normalmente ema atu subar ka arkiva dadus privadu, sempre hatama data hotu-hotu iha folder ida no troka atributu folder refere ho hidden depois regula iha Folder Option atu File hidden labele mosu. Nee duni uniku ita boot rasik maka bele asesu ba iha folder refere.

Maibe oinsa see iha ema ruma maka loke halimar ita nia PC no ativa hikas atributu folder option? Bele imajina katak dadus privadu nebee ita iha bele sai ba ema nebee la iha responsabilidade. Oras nee opsaun haksumik dadus ho folder option la dun seguru ona, tamba ema barak maka hatene ona.

Ita boot sira hotu sempre iha Dadus privadu nebee la kohi atu ema seluk hare. Oinsa Dalan Hodi aksumik Folder iha Desktop?

1. Hatama dadus privadu hotu iha folder ida no hafatin iha Desktop

2. Rename folder refere, hanehan butaun Alt hakerek 0160 uza keyboard parte loos, karik iha Laptop hanehan FN+ALT

3. Folder nia naran sei lakon deripenti, sai folder naran la iha

4. Klik loos folder refere hili properties hili customize hili change icon

5. Hili no troka ho icon nebee la iha imajen no klik OK.

Folder lakon deripenti, wainhira atu loke ita boot tenke muda mouse ba iha area nebee folder ho dadus hafatin ba, kuandu mouse detekta hetan area folder nian, klik hanesan bai-bain hodi loke folder refere. NB: Trik ida nee hanesan alternativa hodi minimiza ema atu naok data maibe laos signifika katak seguru. See ita boot hakarak seguru liu, bele uza CD para haloot iha fatin metin. Bele mos uza software ruma hodi asegura diak liu.

Tempu hotu-hotu maka tempu lolos hodi halo buat loos, Labele sai katuas ida hodi halo buat nebee tuir lolos nia tenke halo iha tempu klosan