Maneira Reset ka Hamoos Password BIOS

Maneira Reset ka Hamoos Password BIOS

Normalmente password BIOS aleinde iha Laptop ka PC haloot iha CMOS, dadus BIOS hirak nee asegura ho Bataria BIOS ida nebee perega hela iha Motherboard iha tempu Laptop ka PC hamate. Ema balu mos sempre tau password iha BIOS para atu asegura diak liu PC ka Laptop. Maibe ida nee perigu mos see wainhira password refere haluha, maka sei difisil atu halo konfigurasaun ba BIOS hodi hahuu prosesu instalasaun foun Windows nian. Atu rekopera hikas PC ka Laptop nia Password BIOS nebee haluha la susar, maibe la fasil mos, see wainhira la dun ho atensaun didiak maka sei halo aat PC ka Laptop.

Oinsa Maneira Reset ka Hamoos Password BIOS liu husi instrusaun maka hanesan tuir mai:

1.    Hamate Komputador ka PC,

2.    Loke Casing Komputador nian,

3.    Buka Bataria BIOS ho modelu kabuar no hasai,

4.    Hein too minutu 5 hafoin monta hikas Bataria BIOS iha nia fatin,

5.    Taka hikas Casing ninian no loka Komputador hodi hare rezultadu.

NB: wainhira hasai Bataria refere husi motherboard maka informasaun hotu-hotu nebee rai iha CMOS sei lakon inklui Password BIOS ou dehan fila-fali Default setting.

Maneira nebee temi ona iha leten nee, serve liu atu pratika iha PC ka Komputador boot, ba Laptop nebee ninia casing loke susar tebes, bele uza software ho naran CMOS De-Animator, maibe ho nota-bene katak Laptop sei bele lao hela hanesan bai-bain ou Windows lao normal hela.

Instrusaun hodi uza software refere hanesan tuir mai:

1.    Download iha nee Boginjir ka,

2.    Diretamente iha nee De-CMOS2, Loke File download refere,

3.    Hili ba Bytes to Operate With no hili Clear CMOS iha Action to Perform,

4.    Klik iha Procces, restar Laptop maka password BIOS sei lakon mesak.

See wainhira PC ka Laptop labele tama ba Windows tamba password  BIOS taka hela, maka tenke uza fali software ida seluk hanaran PC CMOS Cleaner (klik iha software nia naran hodi download). Ho software ida nee bele reset ka hamoos BIOS iha Laptop nomos PC ba tipu Bios hotu-hotu hanesan; IBM, COMPAQ, SAMSUNG, TOSHIBA, SONY, THINKPAD, PHOENIX, DTK, AMI NO AWARD. Software ida nee mos nia karakter bootable, nee-duni wainhira download tiha tenke burning ba CD hafoin halo lao PC CMOS Cleaner liu husi CD refere.

Ita nia hanoin maka ita nia amigo diak see wainhira ita maka kontrola nia Maibe ita nia hanoin maka ita nia inimigu boot see wainhira nia maka kontrola ita